ಮಹಾಶಿವರಾತ್ರಿ 2025 – ಇದನ್ನು ಯಾವಾಗ ಮತ್ತು ಏಕೆ ಆಚರಿಸಲಾಗುತ್ತದೆ ಮತ್ತು ತಿನ್ನಬೇಕಾದ ಆಹಾರಗಳು| Mahashivaratri 2025 -When, Why and What Foods to Eat

ಶಿವರಾತ್ರಿಯೂ ಅತ್ಯಂತ ಮಹತ್ವದ ಹಿಂದೂ ಹಬ್ಬಗಳಲ್ಲಿ ಒಂದಾಗಿದೆ . ಇದನ್ನು ಶಿವಭಕ್ತರು ಉತ್ಸಾಹದಿಂದ ಆಚರಣೆ ಮಾಡುತ್ತಾರೆ. ಶಿವ ಎನ್ನುವುದು ನಮ್ಮ ಬ್ರಹ್ಮಾಂಡವನ್ನೇ ನಿಯಂತ್ರಣ ಮಾಡುವಂತಹ ಶಕ್ತಿ ಎನ್ನಬಹುದು. ಈ ಪವಿತ್ರ ಹಬ್ಬ ಮತ್ತು ಅದರ ಸಂಬಂಧಿತ ದಿನಾಂಕ, ಪೂಜಾ ಸಮಯಗಳು, ಇತಿಹಾಸ, ಆಚರಣೆಗಳ ಮಹತ್ವವನ್ನು ನಾವು ತಿಳಿದುಕೊಳ್ಳಬೇಕು ಎಂದಾದರೆ ಈ ಕೆಳಗಿನ ಲೇಖನವನ್ನು ಸಂಪೂರ್ಣವಾಗಿ ಓದಿರಿ ಮತ್ತು ನಿಮ್ಮ ಆತ್ಮೀಯರೊಂದಿಗೆ ಹಂಚಿಕೊಳ್ಳಿ.

ಮಹಾಶಿವರಾತ್ರಿ 2025 ಹಬ್ಬವನ್ನು ಯಾವಾಗ ಆಚರಿಸಲಾಗುತ್ತದೆ ?

ಈ ವರ್ಷ ಫೆಬ್ರವರಿ 26 ರಂದು ಆಚರಿಸಲಾಗುವುದು. ಪೂಜಾ ಸಮಯ:
ದೃಕ್ ಪಂಚಾಂಗದ ಪ್ರಕಾರ – ಚತುರ್ದಶಿ ತಿಥಿ ಆರಂಭ = ಫೆಬ್ರವರಿ 26, 2025 ರಂದು 11:08 AM
ಚತುರ್ದಶಿ ತಿಥಿ ಮುಕ್ತಾಯ = ಫೆಬ್ರವರಿ 27, 2025 ರಂದು 08:54 AM 
ಪೂಜೆ ಸಮಯ = ಫೆಬ್ರವರಿ 27, 12:10 AM ರಿಂದ 12:59 AM ರವರೆಗೆ,
ಶಿವರಾತ್ರಿ ಪಾರಣ ಸಮಯ = ಫೆಬ್ರವರಿ 27, 2025, 06:39 AM ರಿಂದ 08:54 AM ರವರೆಗೆ

ಮಹಾಶಿವರಾತ್ರಿ ಹಬ್ಬವನ್ನು ಏಕೆ ಆಚರಿಸಲಾಗುತ್ತದೆ ?

ಮಹಾಶಿವರಾತ್ರಿಯನ್ನು ಪ್ರತಿ ವರ್ಷವೂ ಪರಮಶಕ್ತಿ ಆದ ಶಿವನನ್ನು ಗೌರವಿಸಲು ಆಚರಿಸಲಾಗುತ್ತದೆ ಹಿಂದು ಪಂಚಾಂಗ ದ ಪ್ರಕಾರ ಮಹಾಶಿವರಾತ್ರಿಯನ್ನು ಪಾಲ್ಗುಣ ತಿಂಗಳ ಕೃಷ್ಣ ಪಕ್ಷದ 13ನೇ ರಾತ್ರಿ ಅಥವಾ 14ನೆಯ ದಿನದಂದು ಆಗುತ್ತದೆ. ಮಹಾಶಿವರಾತ್ರಿಗೆ ಸಂಭಂದಿಸಿದ ಕೆಲವು ಕಥೆಗಳು ಅಥವಾ ನಂಬಿಕೆಗಳು ಇಲ್ಲಿವೆ.

ದೇವಿ ಪಾರ್ವತಿಯೊಂದಿಗೆ ಶಿವನ ವಿವಾಹವನ್ನು ಆಚರಿಸಲು.

ಈ ಹಬ್ಬದ ಆಚರಣೆಯ ಕುರಿತಾದ ನಂಬಿಕೆಗಳಲ್ಲಿ  ಒಂದನೆಯದಾಗಿ , ಶಿವನು ಈ ದಿನದಂದು ದೇವಿ ಪಾರ್ವತಿಯನ್ನು ವಿವಾಹವಾದನು. ವಿವಾಹಿತ ಮಹಿಳೆಯರು ತಮ್ಮ ಪತಿ ಮೇಲಿನ ಪ್ರೀತಿಯಿಂದ ಮತ್ತು ಶಿವ ಹಾಗು ಸತಿಯ ಪ್ರೇಮವನ್ನು ಆಚರಿಸುವ ಸಲುವಾಗಿ ಉಪವಾಸ ಮಾಡುತ್ತಾರೆ. ಅವಿವಾಹಿತ ಕನ್ಯೆಯರು ಶಿವನ ತರಹ ಇರುವ ಪತಿಯನ್ನು ಪಡೆಯಬೇಕೆಂದು ಆಶಿಸಿ ಉಪವಾಸವನ್ನು ಮಾಡುತ್ತಾರೆ.

ಲಿಂಗೋದ್ಭವ ಮೂರ್ತಿಯನ್ನು ಗೌರವಿಸಲು .

ಎರಡನೆಯ ನಂಬಿಕೆ ಎಂದರೆ, ಪ್ರಸಿದ್ಧ  ಪೌರಾಣಿಕ ಕಥೆಯ ಪ್ರಕಾರ ಈ ಮಂಗಳಕರ ದಿನದಂದು ಮಧ್ಯರಾತ್ರಿಯಲ್ಲಿ ನಿರಾಕಾರ ಲಿಂಗ ಅಥವಾ ಲಿಂಗೋದ್ಭವ ಮೂರ್ತಿ ದೈವಿಕ ರೂಪದಲ್ಲಿ ಕಾಣಿಸಿಕೊಂಡಿದ್ದಾನೆ, ಈ ದೈವಿಕ ಶಕ್ತಿಯನ್ನು ಗೌರವಿಸಲು ಈ ಹಬ್ಬವನ್ನು ಆಚರಿಸಲಾಗುತ್ತದೆ.

ಶಿವನು ಜಗತ್ತನ್ನು ವಿನಾಶದಿಂದ ರಕ್ಷಿಸಿದ ದಿನವನ್ನು ಆಚರಿಸಲು.

ಪವಿತ್ರ ಗ್ರಂಥಗಳ ಪ್ರಕಾರ ದೇವತೆಗಳು ಮತ್ತು ರಾಕ್ಷಸರು ಸಮುದ್ರವನ್ನು ಮಂಥನ ಮಾಡಿದಾಗ ಮಾರಣಾಂತಿಕ ವಿಷದ ಮಡಕೆ ಹೊರಹೊಮ್ಮಿತು. ಇಡೀ ಜಗತ್ತನ್ನು ನಾಶಪಡಿಸುವ ಶಕ್ತಿ ಹೊಂದಿರುವ ಈ ವಿಷವನ್ನು ಕುಡಿದ ಶಿವನು ತನ್ನ ಗಂಟಲಿನಲ್ಲಿ ಹಿಡಿದಿಟ್ಟುಕೊಂಡು ಜಗತ್ತನ್ನು ವಿನಾಶದಿಂದ ರಕ್ಷಿಸುತ್ತಾನೆ. ಈ ಕಾರಣಕ್ಕಾಗಿ ಶಿವನ  ಗಂಟಲು  ನೀಲಿ ಬಣ್ಣಕ್ಕೆ  ತಿರುಗುವಂತೆ  ಆಯಿತು. ಆದ್ದರಿಂದ ಶಿವನ ಮತ್ತೊಂದು ಹೆಸರು ನೀಲಕಂಠ ಎಂದಾಯಿತು. ಶಿವನ ಸರ್ವೋಚ್ಛ ತ್ಯಾಗಕ್ಕಾಗಿ ಗೌರವ ಮತ್ತು ಧನ್ಯವಾದ ಅರ್ಪಣೆ ಮಾಡಲು ಈ ದಿನವನ್ನು ಆಚರಿಸಲಾಗುತ್ತದೆ.

ಮಹಾಶಿವರಾತ್ರಿಯಂದು ಮಾಡಬೇಕಾದ ಚಟುವಟಿಕೆಗಳು.

ದೇಶದಾದ್ಯಂತ ಜನರು ಮಹಾ ಶಿವರಾತ್ರಿಯನ್ನು ಆ ಪ್ರದೇಶದಲ್ಲಿನ ಪದ್ಧತಿಗಳ ಪ್ರಕಾರ ಆಚರಿಸುತ್ತಾರೆ. ಇದು ನಮ್ಮ ಆತ್ಮಾವಲೋಕನ ಮತ್ತು ಆತ್ಮಾವಲೋಕನಕ್ಕಾಗಿ ಮೀಸಲಾದ ರಾತ್ರಿಯಾಗಿದೆ.
ಕೆಲವರು ಬೆಳಿಗ್ಗೆ ಆಚರಿಸುತ್ತಾರೆ, ಇನ್ನು ಇತರರು ರಾತ್ರಿಯಲ್ಲಿ ಪೂಜೆ ಮತ್ತು ಜಾಗರಣೆಯನ್ನು ಆಯೋಜಿಸುತ್ತಾರೆ, ಆದರೆ ಶಿವ ಭಕ್ತರು ಮಹಾ ಶಿವರಾತ್ರಿಯಂದು ಪೂರ್ಣ ದಿನದ ಉಪವಾಸವನ್ನು ಆಚರಿಸುತ್ತಾರೆ ಮತ್ತು ಮರುದಿನ ಸ್ನಾನದ ನಂತರವೇ ತಿನ್ನುತ್ತಾರೆ.

ಉಪವಾಸ ಮಾಡುವುದರಿಂದ ಶಿವನ ಅನುಗ್ರಹಕ್ಕೆ ಪಾತ್ರರಾಗಬಹುದು ಎಂಬ ನಂಬಿಕೆಯಿದೆ. ನಿರ್ದಿಷ್ಟ ಸಮಯದವರೆಗೆ ಆಹಾರ ಮತ್ತು ನೀರಿನ ಸೇವನೆಯಿಂದ ದೂರವಿದ್ದರೆ ದೇಹ ಮತ್ತು ಮನಸ್ಸಿಗೆ ಒಳ್ಳೆಯದು ಕೂಡ.

ಮಹಾಶಿವರಾತ್ರಿಯ ದಿನದಂದು ಉಪವಾಸ ಮಾಡುವುದರ ಜೊತೆಗೆ ಜನರು ಶಿವನ ಸಂಕೇತಿಕ ರೂಪವಾದ ಶಿವಲಿಂಗವನ್ನು ಪೂಜಿಸುತ್ತಾರೆ .